道頓堀御好燒專門店 (康怡廣場) (已結業)

去完康怡aeon ,突然好想食鐵板燒，即上OpenRice 睇下有咩簡，見到以間個名好日本，原來要自己DIY,就拿拿聲5點半去食，驚一陣要排隊排好耐。坐低一見到有4人套餐，但我地2個大人1個小朋友，諗住唔會太大份，所以就叫左4人套餐！首先黎左3樣前菜，有枝豆，和風蕃茄沙律，野菜蒸，份量好足料之後黎個肉類什錦炒麵，好驚唔知點炒，餐廳好貼心，會有張卡教你點炒，跟住佢既步驟就得，入面有牛，豚，雞肉加芽菜炒麵，可以自己調味，炒呀炒呀炒呀，真係好好玩。仲有有富士山御好燒，賣相真係好似富士山，將佢搞埋一齊，入面有弘魷魚鬚，蝦，鱆魚，雞肉，豚肉，搞好就拎落去整啦，入面料好足料，啖啖都有魷魚鬚，蝦，鱆魚，整完出黎好似大阪燒，之後可以加佢地d 醬汁，教岩自己口味，真係太正啦之後最尾仲有廣島燒，跟住步驟做！最下面係蛋中間加炒麵加椰菜！食左以3份加前菜已經好飽，佢仲有鐵阪燒泡菜魷魚，上級牛肋肉，4個雪糕球，4杯野飲，我地最後食唔晒，打包拎走，4人份量真係岩岩好4個人，份量好足！去到唔駛驚會炒到成身都係，可以問餐廳拎圍裙，咁就唔會整到件衫啦！