自己人

營業中

休息中

今日黑雨WFH，天氣轉好啲就去附近荃新天地搵食，今次揀咗主打潮州菜既‘自己人’，地方相當闊落且裝修新淨，環境相當舒服。頭盤叫咗潮汕生醃蟹，賣相已經相當吸引，飽滿既橙紅蟹膏生醃後呈半凝固狀，蟹肉醃透後呈晶瑩果凍質感，鮮甜滑溜，配上魚露醬油蒜椒芫荽鹹鮮極致發揮，必點！椒鹽大鮑魚超級大隻，肉質鮮嫩彈口，配上椒鹽相當惹味。金不換焗鮮魷亦相當不錯。魚翅撈飯聽阿爺講得多，試一次成就解鎖，味道亦確實唔錯，魚翅爽滑彈牙，米飯吸收濃湯後綿軟鮮香。另外試左新出既煙燻豆腐，除咗豆腐仲有啲蜆蝦金華火腿，而湯底最為出色，鮮蝦熬製濃郁鮮甜。潮汕滷水炸乳鴿亦相當抵食，每人一隻，皮脆肉嫩超Juicy。叫嘢飲可以免茶介，我地就試左手打鴨屎香檸檬茶和黃皮手打檸檬茶，前者經典味道不陌生，後者酸咸交加相當特別。