清心齋 (已結業)

今日去左南昌薈街市買餸返屋企玩煮飯仔，發現水果檔隔離有間賣傳統小食既小店🤤所以就買左少少糕點返去做飯後甜品，兼買左支豆漿。豆漿係店鋪日日新鮮製造，豆味幾重，而且又健康！我媽咪就買左兩碗豆腐花，返去再加左啲芋圓一齊食，豆腐花口感好滑，又有豆香，所以好快手就清曬了。我地另外又嗌左馬豆糕、香芋糕同紅豆糕，三款都有水準👍🏻我最鍾意係香芋糕，因為好香芋頭味，有少少似食緊Mousse咁，仲有啲芋蓉係入面增加口感😍而紅豆糕都一樣好香濃，滿滿既紅豆粒，紅豆lover會好鍾意！