影片
更多
2018-09-18
94 瀏覽
今日行開尖沙咀就上網搵下有咩嘢食，見到依間餐廳係賣手工果醬同西餐，見到食物賣相好，果醬又手工製咁有Heart，一定要同朋友支持一下小店。😋依款係芒果沙冰，沙冰打到好綿好幼滑，係無大粒冰塊係入面，芒果味好香甜味道亦都唔假，飲落好透心涼。👍🏻檸檬特飲好靚好豐富，中間仲有層果醬，飲落檸檸味清新酸酸甜甜好解渴，果醬超級真材實料有完整嘅果肉係入面，加上火龍果同粟米片口感好豐富。田園沙律配熱情果油醋汁，沙律菜份量好多亦好新鮮，食落爽脆無苦澀味，加上熱情果油醋汁好Fresh酸酸甜甜咁好開胃。蒜辣蝦意粉 意粉煮嘅時候岩岩好，口感唔軟唔硬 適中有咬口，紅蝦肉彈牙無霉肉，醬汁好重蒜味同茄味，再加上有少少微辣好惹味。慢煮安格斯西冷配玫瑰蘋果汁，安格斯西冷扒超級juicy，肉質仲要好軟嫩牛肉味濃郁，配上玫瑰蘋果汁好清新完全唔會覺得油膩，薯角炸得金黃香脆，入面薯蓉綿密鬆軟。芝士蛋糕配士多啤梨果醬，芝士蛋糕質應幼滑淡淡芝士香，士多啤梨果醬好真材實料，食落味道唔假但對我嚟講整體有少少甜。😋
今日行開尖沙咀就上網搵下有咩嘢食，
見到依間餐廳係賣手工果醬同西餐，
見到食物賣相好，果醬又手工製咁有Heart，
一定要同朋友支持一下小店。😋
依款係芒果沙冰，沙冰打到好綿好幼滑，
係無大粒冰塊係入面，
芒果味好香甜味道亦都唔假，
飲落好透心涼。👍🏻
檸檬特飲好靚好豐富，中間仲有層果醬，
飲落檸檸味清新酸酸甜甜好解渴，
果醬超級真材實料有完整嘅果肉係入面，
加上火龍果同粟米片口感好豐富。
田園沙律配熱情果油醋汁，
沙律菜份量好多亦好新鮮，
食落爽脆無苦澀味，
加上熱情果油醋汁好Fresh酸酸甜甜咁好開胃。
蒜辣蝦意粉 意粉煮嘅時候岩岩好，
口感唔軟唔硬 適中有咬口，
紅蝦肉彈牙無霉肉，
醬汁好重蒜味同茄味，
再加上有少少微辣好惹味。
慢煮安格斯西冷配玫瑰蘋果汁，
安格斯西冷扒超級juicy，
肉質仲要好軟嫩牛肉味濃郁，
配上玫瑰蘋果汁好清新完全唔會覺得油膩，
薯角炸得金黃香脆，入面薯蓉綿密鬆軟。
芝士蛋糕配士多啤梨果醬，
芝士蛋糕質應幼滑淡淡芝士香，
士多啤梨果醬好真材實料，
食落味道唔假但對我嚟講整體有少少甜。😋
張貼
