黑樺牛 (已結業)

戰鬥力唔高嘅我都鯨吞咗幾碟牛！平時食放題最怕啲餐廳重量不重質，畀咗幾百蚊食啲幾廿蚊質素嘅嘢盞浪費Quota～聽朋友介紹話呢間和牛放題除咗可以任食佢哋自家培育嘅A5級黑樺牛，又有海鮮拼盤同日本佐賀名水豚肉等食，食材絕對唔馬虎，飲品仲有汽水、沙冰同冷泡茶揀，下次約Frd放題就揀呢間啦～花雕日本薩摩雞藥膳鍋湯底用咗6種藥材熬製而成，濃郁又滋補，加埋日本薩摩雞一齊煲熬，雞肉嫩滑又入味！黑樺牧場精選盛合層架上層係黑樺和牛片同牛冧肉，充滿牛香；中層就係日本佐賀名水豚梅花肉，軟腍又好食；下層就係手打金鑽太極蝦滑、墨魚滑，魚滑彈牙足料，仲有松露同混合魚籽，味道鮮香！燒海鮮拼盤海鮮燒得剛剛好，店員會幫忙將蠔殼同貝殼打開，每款海鮮都係大大隻啖啖肉，正呀！A5級黑樺和牛特上霜降小排和牛油花分布均勻，口感特別嫩滑，淥完再點一點日本雞蛋，較其他部位重油香！A5級黑樺和牛肩胛梅花和牛肩胛梅花嘅肉質較厚實，最啱鍾意啖啖肉嘅食肉獸！