瀛舍 (已結業)

由於我男朋友比較喜歡食放題，今次行到荃灣美食集中營嘅大鴻輝，見到瀛舍放題。上樓後見餐廳咁開揚咁大都嚇咗吓，環境唔錯又大，好大個玻璃窗好光猛。坐位非常舒適，一啲都唔迫!呢度除咗寫點菜紙外，仲有自助餐形式嘅熱盤等野食自助甜品種類非常多，又可以自己整鯛魚燒、紅豆軟雪糕、心太軟，而飲品種類方面都多，連清酒都有。食物上枱速度非常快，三文魚和帶子新鮮同夠肥，厚薄適中。壽司種類多，又細細件，唔似會以白飯攻勢咁質飽你，飯粒粒粒分明，夠粘。其中有款火焰蟹腳壽司，蟹同芝士鰻鰻青瓜卷值得一食再食而熟食方面個牛柳粒都腍，唔鞋口，又有蒜香味天婦羅即叫即炸，個漿夠薄仲有佢個芝麻雞翼非常好食，皮脆肉滑，有芝麻香味，最緊要係夠熱無油溢味。