和田便當 (已結業)

今日咁啱有嘢要喺金鐘度做，返屋企嘅時候想順手買個外賣，經過海富中心就比我搵到呢間非常方便快捷嘅外賣店。呢間舖頭嘅外賣用自助售賣機嘅形式，跌落嚟嘅飯仲係熱辣辣嘅，拎到返屋企都仲係暖笠笠。佢每日都有五款唔同款式嘅便當俾你揀，而且會附送一包嘢飲，今日我就揀咗蒲燒鰻魚飯加奶茶。蒲燒鰻魚（ $66 ）鰻魚都算幾大塊下，上面嘅燒汁比得都唔少，幾乎每一粒飯都可以沾染到燒汁嘅甜味。而且都有唔少配料，譬如有玉子，有海蜇，有椰菜花，有蕃茄仔同紫椰菜。分量充足，食完好飽肚，加上配菜咁豐富，真係食得好滿足。