瀛舍 (已結業)

太耐無約朋友食飯, 佢提議食放題, 睇左一輪見呢間有自制甜品幾得, 一於訂定位先. 準時到達, 門口已企滿人.先來刺身, 三文魚夠肥美肉厚, 甜蝦隻隻夠晒大, 鮮甜爽口. 帶子夠新鮮, 彈牙. 油甘魚魚油豐富, 鮮味無窮.鹽燒雞翼, 外表香脆唔韌, 鹽燒夠晒惹味, 雞肉嫩滑. 燒菠蘿夠JUICY, 酸甜夠醒胃.牛油栗米粒, 牛油味香濃唔油膩, 栗米夠甜有咬口.自家制心太軟, 呢個好好玩, 焗爐邊會教點樣整, 簡單易明.自己整完好有滿足感, 心太軟朱古力濃郁, 蛋糕底夠軟熟, 唔識整都有流心效果.甜品仲有其他款式, 款款都夠精緻, 軟熟不甜膩. 仲有士多啤梨大福夠晒大粒.