海防Pho越南特式美食

今日天氣涼涼地，忽然好相食碗熱辣辣湯粉做午餐，就跟同學仔去咗呢間正宗越南美食小店食最招牌嘅海防生牛肉湯粉。

1

店舖雖然細細地，但也不會感覺太局促!本人對越南生牛肉湯粉情有獨鍾，今次都唔例外，叫咗碗最招牌嘅生牛肉湯檬。

不久熱辣辣香噴噴湯檬送到面前，再配上一小碟紅辣椒及青檸，我先試咗一淡湯底，牛肉味道極之濃郁及鮮甜、生牛肉及檬粉嘅份量都唔少，肉質感覺非常鮮嫩，還配有適量芽菜及葱花，入口有如置身於越南嘅感覺…真令我回味無窮!