一起 (已結業)

又喺大角咀發現正野啦🍡今次呢間係喺富榮花園嗰邊 主打係串燒 肉類/海鮮/蔬菜應有盡有 當然仲有唔少小食選擇啦👍🏻開咗未夠一年 已經吸引到唔少人幫襯啦 我哋六點半左右去到 係第一枱客 唔使半個鐘 已經全場full咗😂所以想食好嘢就要趁早 或者一早book定位▪️蒜香燒日本姬路生蠔老闆娘話姬路生蠔係最近新推出 即刻叫咗兩隻嚟試吓🦪size雖然唔算好大隻 但係都幾肥厚 蒜香當然無得輸 蠔嘅鮮味仍然出色▫️蒜香清酒烤焗活蜆都係老闆娘極力推介 果然冇介紹錯🍲蜆都幾大隻 大約有20隻勁新鮮 鮮味中滲出淡淡的酒香 好好味 $68真係好抵食▪️山椒燒豬頸肉串呢個調味勁好味 好少喺出邊食到🐷有啲似細個嘅時候 喺屋邨樓下嘅串燒小販檔嗰種味 香噴噴 最緊要係夠juicy 唔會乾唔會靭▫️極尚鹽燒牛舌有驚喜 牛舌都幾厚 燒完都好軟稔🐂簡單以鹽調味已經好正▪️孜然燒雞中翼孜然味充足但唔會過濃 我最怕濃得滯搶晒味🐔呢個啱啱好 雞皮仲脆脆地添▫️烤雞髀肉串啖啖肉嘅雞串😍肉質鮮嫩好夠滑 ▪️蒜蓉燒原條茄子差唔多每次食串燒都會必點嘅🍆大大條 燒完都唔會乾 蒜蓉燒起好惹味 輕易可以撕開容易食▫️話梅燒菠蘿原來兩樣嘢係好夾㗎 酸酸地嘅話梅