千口甘甜品屋 (已結業)

今日約左朋友去維園睇花卉展覽，行左兩個鐘左右係時候食下午茶喇！咁就行左去大坑搵野食，入左間甜品店，原來唔只有甜品仲有小食添，我指住menu碟腸粉圖片問店員係咪真係咁多醬架？佢話佢會將D醬十字型唧在腸粉上面，於是我地就叫左腸粉同炸雞喇！等左幾分鐘店員將腸粉拿到上，真係有驚喜碟腸粉真係好多醬汁買相好靚，於是唔客氣就即時食啦，點知碟腸粉唔夠熱好失望，咁我就同店員講啦佢就拿去返叮囉，校果完全唔同晒夠熱又夠滑，加上多醬汁真係零舍唔同，碟炸雞都好脆同好香有好濃既胡椒粉味添，下次會去食埋甜品先。