友口馥 (已結業)

運作一團糟，以致食客等候時間長。有位冇人坐，坐底冇人落單，order先後次序混亂，以致客人埋怨，員工不熟悉運作（如食品價錢，物品擺放位置），導致老闆娘要經常插手，未能專心及有效製作腸粉。腸粉製作需時（約10分鐘），落柯打後等了40分鐘，連同等位，等了個半鐘，人潮過後回頭客會有幾多？建議做好分工，擬訂每個員工負責範圍，如一人負責派籌，帶位，落單，樓面，另外負責製作粉面，幫廚。店少人多手腳亂，有效管理加上美味出品，回頭客自然多，希望小店長做長有。