最掂燒味 (已結業)

入門口見到個環境算係乾淨，唔會好似一般燒味舖咁，成地都油咁，鬼死咁冼；而且啲裝修都有啲特色，唔會老老套套咁樣，所以都坐得好自在好舒服。以前從來無聽過乜嘢叫「腩叉」，原來即係用豬腩用嚟燒叉燒。入口係好爽嘅，有啲似食豬頸肉嘅口感，爽得嚟好香嘅叉燒香味。最重要係，佢上枱嗰時，仲係熱辣辣，唔會好似放咗係度好耐凍冰冰咁。仲有佢個花膠碗仔翅，唔係杰撻撻咁，但係落到好足料，可以連醋同胡椒都唔駛落都咁好食，真係好有驚喜。唔會見到一大舊花膠係碗仔翅入面，因為啲花膠切咗做細細粒，我都幾喜歡咁樣，唔駛擘到個口鬼死咁大先食到，又唔駛點「趙」，方便我呢啲懶鬼。