神樂 (已結業)

又到糧頭嘅時候，又到肚餓嘅時候，唔食返餐好，真係冇顏面面對明天嘅工作。嚟到金馬倫道嘅盡處，有間幾骨緻嘅日本餐廳，原來有Omakase食，啱晒會見十二道主角之前，就由白蘿蔔漬物同前菜打頭炮。漬物係用柚子醋醃製，食落啖啖柚子嘅清甜，放置喺月彎型嘅碟上，雅麗脫俗前菜係汁燒八爪魚，微辣嫩滑，確實開胃之後就嚟料，第一味係北寄貝，有啲醬汁鋪住，更令佢爽滑無比。佢地啲壽司係用赤醋，感覺正宗啲又有誠意之後印象深刻啲嘅就係池魚，新鮮到好似喺口入面游吓游吓咁，之後仲有味黃金池魚，味道更濃更鮮，需以薑蓉伴食，係火與水嘅交融壽司上面加粒蛋，仲要好似班尼迪蛋咁流晒汁落塊刺身度，真係好神奇，但唔好忽略下面塊魚，原來佢係右口魚，而唔係左口魚（平目魚），即係鰈魚，油香較為甘濃，真係冷知識呀今次真係幾有驚喜，竟然好多款壽司比拖羅更耀眼，其中海膽軍艦令大胃第一次有用海膽漱口嘅感覺，好衝擊呀！同樣衝擊係蟹醬牡丹蝦，蝦蟹海底交戰嘅烈況，喺大胃脷底重演最尾一道當然係最隆重，儼如娘娘下凡，不過唔係蓮花，而係踩住櫻花降世，帶子鵝肝疊到搖搖欲墜，大胃趕緊送鵝入胃口，首先食到帶子嘅鮮味，其後feel到溶化咗嘅鵝肝籠罩住整個壽司，果然係