世華餐廳 (已結業)

位於尖沙咀赫德道的世華，位置超方便，沿樓梯上二樓，偌大的大廳，卡坐寬敞舒適。印象中的世華應該是茶餐廳，其實茶餐廳只係佢的外表，實際應該係間酒樓。別以為世華只有家常便飯供應，細看餐牌，鮑參翅肚、貴價海鮮亦有提供；絕對可以滿足不同需要的客人。今晚點了幾道簡簡單單家常小菜，一菜兩肉連白飯，結賬$400大元。南乳粗齋煲 $78典型家常小菜，蔬菜種類繁多，份量充足，火喉亦不錯，不會太腍或太硬，只是南乳味略淡，適合淡口味朋友。梅菜扣肉煲 $88炆得香腍的五花腩，久炆後肥油都出得七七八八，肥膏位變得滑滑的，但又不會太油膩；梅菜吸滿肉汁，伴飯一流。炸子雞 $168 （半隻）炸子雞炸得火紅脆皮，入口有淡淡的炸雞香味；奈何冰鮮雞始終都是冰鮮雞，肉質始終略遜。只能靠廚師廚藝搭夠，整體味道尚都不錯。