Factory 99

營業中

休息中

今日來到觀塘，一定要來這店食，點解？因為好食又唔貴，仲要1:45之後有9折！午餐，吉列魚柳配薯仔沙律，中湯，熱檸茶，都只係$58，大大份，真係抵食！中湯味道唔錯，比一般茶餐廳快餐店好。主菜吉列魚柳薯仔沙律，淨係賣相已經夠吸引，魚柳大大塊，有兩塊，好脆，魚肉唔會薄到好似食炸皮咁，配埋沙律醬，熱騰騰魚肉，好好味！薯仔沙律上面有2粒車厘茄丶豆芽苗丶墊底有羅馬生菜，有誠意，薯仔烚得夠淋，入口即溶沙律醬又撈得岩岩好，正！熱檸茶，夠熱。這店環境係以西式為主，配番佢d西餐，真係襯曬。