一豚豬手專門店 (永德大廈) (已結業)

今日喺銅鑼灣附近 staycation, 個 lunch 已經好豐富，喺CWB街頭散步之際，見到呢間外賣豬手店，咁啱又到晚餐時間，就買返酒店當晚餐啦。🐽大板脆腩卷返到酒店未打開個盒已經香氣撲鼻，外皮燒到微焦香脆，肉質緊緻。店員仲好好咁將佢切細，方便易食，佐酒一流。🐽招牌黑椒豬手呢個豬手皮質煙靭，皮又唔會過於膩滯，配上黑椒味，好搭的味道，肉質更驚喜，軟腍之餘仍具咬口，而且又唔會太鹹，調味好好。💫整體食評值得推薦既外賣店，加料首選。值得一提，佢既外賣飯盒都好抵食。