台站 (已結業)

今日去位於荔枝角既台站食台式小食，食物款式唔算多，但勝在價錢親民。口痕想食下炸物同台式小食，黎呢到都算幾方便既。一口鹽酥雞一口一粒，脆卜卜，味道都OK。唔會太重口味，又唔會太油膩，個外賣盒拎到返屋企都係乾身冇乜油既。台式肉鬆蛋捲餅餡料都幾多，而且個皮幾有蛋香，口感唔錯。如果可以多幾款唔同餡料既蛋餅就好了。蔥油麵呢個味道就比較單調，有淡淡既蔥味。同埋我覺得油份重少少，個麵濕潤啲會更好～但麵既份量係好多既，絕對可以食到飽一飽😹下次會想試埋炸魷魚鬚外賣包裝設計幾好，拎到番屋企都完全唔會漏～