Spade by Lassana (已結業)

最近見到Spade by Lassana出左新蛋糕，而且係OPENRICE好評如潮，於是山長水遠去油塘試下，其實油塘真係唔太方便，行到成身汗，不過無計，鬼叫自己貪新鮮想食。餐廳地方幾大，一去到已經見到甜品櫃放滿蛋糕。完全冇諗過有個小木盒做包裝，純白色加上LOGO，設計雖然簡單，但感覺馬上親切左，因為唔會係運送途中令蛋糕變形，而且個小木盒之後更可以循環再用，放小雜物，非常欣賞這個包裝。金黃色帶焦既焦糖面緊緊貼著忌廉芝士蛋糕，又薄又脆焦糖竟然到達屋企時仍然完整無缺，沒有溶化，勁。下面既芝士蛋糕芝士味濃郁，口感綿密，唔會好似食緊空氣咁，而且軟綿綿，食曬成件都唔覺得過甜，味道剛剛好，加上厚度適中既消化餅底餅，食完一件仲想食多件。有機會一定再試，如果份量大D更好。Spade by Lassana油塘高超道38號大本型地下G28號舖