空

營業中

休息中

我一直都認為美食是治療心靈既良藥。平時工作咁辛苦，間唔中要慰勞下自己，食番餐好既，先有動力繼續勇往直前！入到餐廳店員就殷勤地奉上熱茶及前菜。大吞拿魚腩 $124/片大吞拿魚腩油脂分佈均衡，入口隨即溶化在舌頭上，師傅將魚生片切得有一定厚度，口感更滿足。燒牛舌 $46牛舌燒至外皮微微焦香，也是較為厚身的，而且肉質嫩滑肥美，可見師傅燒烤功架一班。銀鱈魚西京燒 $158銀鱈魚一向有自己獨特既油香，西京燒使用的味噌是口感偏甜，烤起來令外層焦焦脆脆，而肉質則保持嫩滑。再沾點蛋黃醬一齊食，非常美味。牛肉烏冬 $99牛肉烏冬令人有點失望，牛肉對我來說太生了，像是用不溫不火的湯浸住的感覺，而且生得來太韌。烏冬也煮得太淋，欠缺了爽口彈牙的口感，食落軟淋淋。法國羊架 $128羊架火侯掌握得好太多了！調味適中，而且羊味唔會太羶。肉質鬆化，好容易就咬開。軟殼蟹牛油果卷 $124卷物上蟹籽份量超多，入口卜卜聲食得好爽快。牛油果是全熟透了，非常軟滑，配合炸至香脆的軟殼蟹真是一流。柚子雪葩 $29食完豐富既一餐來個酸酸甜甜既柚子雪葩作總結。冰凍creamy，好似食雪糕咁。原個柚子上，令雪糕份外清香。