頂好海鮮酒家

營業中

休息中

唔知點解突然好想食大閘蟹，於是同朋友做完GYM就o向尖沙咀搵o下邊樹有大閘蟹食，但由於太肚餓，所以當我見到酒樓門口掛左張大閘蟹poster就膽粗粗咁走左入去試o勒~o的侍應服務態度唔錯架，我問其中一個部長大閘蟹幾多錢一隻，佢話要$188，跟住我諗我個樣話比佢聽我覺得有o的貴掛，於是個部長好好，好主動咁話左兩隻蟹比我睇o下先決定，佢話佢o地o的大閘蟹好肥美好好食叫我考慮試o下，結果我o地就叫左兩隻大閘蟹。當o的蟹上枱 時確實冇令我失望，兩隻蟹都有好多美味既蟹膏，因為今次食既係蟹公，所以o的膏食落會覺得好rich，差o的攪到我o地想encore，不過.....一o黎我怕肥，二o黎我怕膽固醇超標，所以都係適可宜止好o的。跟住我o地叫左三個餸 ，一個金銀蛋波菜，o的菜炒得好靚，又唔會太油，幾適合要求健康既我。另一個係日本芥娧 炒牛柳粒，我對牛興趣不大，不過炒出o黎既牛柳粒有陣陣芥娧 味，好唔錯幾好食，最後一個係乳豬件，乳豬都唔算肥，o的皮好脆好好味，三樣餸 菜都不賴，而且應該冇乜味精，因為食完冇係咁飲水。埋單兩個人係六百幾蚊，價錢算合理啦。