小欖燒烤樂園 (已結業)

肥妹8歲生日，提議去BBQ。原本唸住去元朗。後來經朋友介紹，小欖燒烤樂園好啱大小朋友去的。因為小朋友有吹氣彈床，吊魚，小型賽車。大人就可以打麻雀。擲飛標。(所有娛樂都要自費)又可以燒烤。地方又大，厠所亦好乾淨。簡直係老笑咸而。燒烤食物種類都算多，而且味道唔錯。有甜酸雞全翼，香茅雞中翼，雞腎，多春魚，墨丸，魚蛋，貢丸，咖喱尤魚，叉燒粒，牛仔粒，豬扒，雞扒，茄子，蕃茄仔，翠肉瓜。另外有蕃薯，蔬菜包，燒菠蘿。蜆。不過要自費。我地就自費買咗一包蜆(配有海鹽及蒜蓉)。將蜆用錫紙包住放在燒烤爐大概5分鐘就食得。好鮮味，正呀！我想特別介紹叉燒粒，肉質好淋，又唔靱，味道剛剛好。雞扒，肉質軟滑。豬扒，好多時肉質比較鞋，但今次食嘅豬扒肉質比較淋，唔鞋。燒烤場只包一支水及一罐飲品。如不夠飲可自費在場內買。還有雪糕買的。肥妹今晚玩得好開心，一上車就訓咗