影片
更多
2016-11-11
337 瀏覽
自從老麥同搞笑廚師Christian Yang crossover推出創意系列, 次次都會留意, 因為真係幾好食, 比其他所謂既special系列更有心思。今次安格斯系列, 先後分別有3款包推出: 美式蘋果, 瑞士芝味同澳式芝蛋, 試左後面個2款。澳式芝蛋安格斯漢堡餐 $38薯條加汽水打開包左一半既包裝紙, 餡料歪黎歪去, 同張相個靚賣相有出入都已經一早預左。成個包勁厚, 包好鬆軟, 唔錯。塊蛋比平時豬柳蛋入面個塊厚n倍又大n倍, 蛋味更香好滿意。 而中間塊牛肉都好大塊, 不過乾左d, 冇乜肉汁。 呢間分店好孤寒, 醬汁落得果小小, 塊牛肉已經乾, 又唔夠醬汁, 搞到個包好鬼死乾, 味道係好味既, 係唔夠汁囉!瑞士芝味安格斯漢堡餐 $38薯條轉左要粟米, 飲熱朱古力上次同Christian合作出既瑞士芝味今次都有出, 都幾好食, 所以再黎多次。 打開包裝紙, 賣相樣衰都算, 發現個漢堡包同澳式芝蛋係同一款包, 但係包裝盒明明兩款唔同包, 對比第一次買外賣個包都唔同左, 係咁岩用晒個款包定係轉左? 大大塊生菜放左入去, 一路食一路跌晒d菇出黎, 勁論盡。 牛肉同樣好大塊, 同樣都係好乾,
今次安格斯系列, 先後分別有3款包推出: 美式蘋果, 瑞士芝味同澳式芝蛋, 試左後面個2款。
澳式芝蛋安格斯漢堡餐 $38薯條加汽水
打開包左一半既包裝紙, 餡料歪黎歪去, 同張相個靚賣相有出入都已經一早預左。成個包勁厚, 包好鬆軟, 唔錯。塊蛋比平時豬柳蛋入面個塊厚n倍又大n倍, 蛋味更香好滿意。 而中間塊牛肉都好大塊, 不過乾左d, 冇乜肉汁。 呢間分店好孤寒, 醬汁落得果小小, 塊牛肉已經乾, 又唔夠醬汁, 搞到個包好鬼死乾, 味道係好味既, 係唔夠汁囉!
瑞士芝味安格斯漢堡餐 $38薯條轉左要粟米, 飲熱朱古力
上次同Christian合作出既瑞士芝味今次都有出, 都幾好食, 所以再黎多次。 打開包裝紙, 賣相樣衰都算, 發現個漢堡包同澳式芝蛋係同一款包, 但係包裝盒明明兩款唔同包, 對比第一次買外賣個包都唔同左, 係咁岩用晒個款包定係轉左? 大大塊生菜放左入去, 一路食一路跌晒d菇出黎, 勁論盡。 牛肉同樣好大塊, 同樣都係好乾, 好在呢個包d醬汁多番小小, 不過個2塊芝士就真係細到唔發現咁濟, 咬到去中間先見到。 呢個包勝在好味, 如果唔係都幾難番轉頭!
粟米又濕又冇味, 連牛油味都冇, 又唔甜, 都幾難食下。
好在跟餐送左2張焦糖雪糕卷, 可以擰番屋企慢慢歎。 失策左唔記得走花生, 今次回歸既焦糖雪糕, 焦糖醬比之前又黏又稠, 好香又甜, 好好食!
張貼
