肚餓了串燒烤焗專門店 (已結業)

真係好想出去搵朋友傾下計吹下水，但係唔想去啲太多人嘅地方，揀咗一間舖頭唔係太大嘅樓上舖"肚餓了"😍首先梗係叫我最喜好嘅厚燒牛舌先啦😅牛尾香濃，外香內軟，仲好juicy添~原條鰻魚，燒鰻魚唔使講冇得輸啦😍黑松露焗蠔，蠔上面滿滿鋪住黑松露同埋菇粒，好香好惹味。蠔唔算大隻，但係脹卜卜，好juicy，局嘅時間剛剛好，時間拿捏得好準👍珍寶帆立貝 ，唔使連殼，啖啖肉，鮮甜🤩白酒焗蜆白，酒味超濃😆應該落咗唔少酒，好彩食完都冇醉😜蒜蓉茄子，原條茄仔好似把扇咁。蒜蓉夠晒多，好香，茄子好甜、好滑👍汁燒BB露筍，菜如其名，真係好嫩，所以先可以叫BB蘆筍😜嫩滑爽脆，正👍餃子雞翼，雞翼脹卜卜賣相好正😍裏面係蟹仔同肉碎，啖啖肉，超正😍食串燒，少不免梗係嘆返杯生啤啦，簡直係最佳配搭😅😋😋😋講起碟雞翼真係要讚下呢度嘅侍應姐姐😅我自己畫錯咗蜜糖雞翼，嚟到嘅時候我話要餃子雞翼喎，明明係自己畫錯佢都幫我換，服務態度真一流👍