肚餓了串燒烤焗專門店 (已結業)

比呢間串燒店個名吸引左，肚餓了。位於尖沙咀地鐵站A出口附近既樓上店，雖然餐廳唔算大，但每張枱都好寬敞，可以叫到成枱野食都夠位放。佢既串燒種類都好多，有幾個食完覺得係必點。原條鰻魚，$62，出面食個鰻魚飯都要成百蚊，呢到成條先$62，出到黎都冇失望，都幾大條，怕骨既人都唔洗驚，冇乜骨，個燒汁又幾好味。翠玉瓜，$22，好難得食到唔乾既翠玉瓜，燒完個瓜水份仲好多。茄子，$49，價錢算唔平，但佢有啲碎肉係茄子上面，配搭住食，都幾特別。