影片
更多
2019-01-23
47 瀏覽
呢間o野想幫襯好耐，最主要因為佢店名同一d 菜式名，用上o左音譯馬來文，聽落好搞笑，可能衍生出第二個意義，咩o野「辣死你嗎」(nesi lemak)……早去都未坐滿，但七點前已經爆晒要搭檯，再出面仲有好多人等緊，好好生意～餐廳接近舊式涼茶鋪o既設計，但又有股馬來亞風情。有個復古o既大鐘，o係整點o既時候會鳴響，天花上有住舊式轉扇。我記得之前去penang，o個度d 餐廳間間都係咁樣，不過呢度就有冷氣。先點個古路仔肉骨茶，佢有多種口味選擇，試o左個三層肉肉骨茶($33)。睇圖，以為係個一人份量o既燉盅咁大(因為佢另外有一個$128 好多料，咁我suppose 其他會係細盅)，點知原來都好大盅。叫肉骨茶有得免費添湯，加埋佢有好多舊肉，感覺好抵叫！店員姐姐親自幫我地調製o左碟調味料，話可以佐以個肉骨茶。就咁飲，先嚐到好濃郁腩肉o既味道，中藥味唔過火，反而味甘清甜；落埋d 蒜蓉辣椒，會再多一點嗆口o既感覺。三層肉層次分明，鬆軟唔韌，簡直可以單獨成為主菜。十分讚！招牌芽菜雞飯($63) 係menu 第一頁o既主打菜！白切雞經過浸煮，味道鮮美而肉質依然嫩滑，仲已經起晒絕大部份骨，讓你可立即大快朵頤
餐廳接近舊式涼茶鋪o既設計，但又有股馬來亞風情。有個復古o既大鐘，o係整點o既時候會鳴響，天花上有住舊式轉扇。我記得之前去penang，o個度d 餐廳間間都係咁樣，不過呢度就有冷氣。
先點個古路仔肉骨茶，佢有多種口味選擇，試o左個三層肉肉骨茶($33)。睇圖，以為係個一人份量o既燉盅咁大(因為佢另外有一個$128 好多料，咁我suppose 其他會係細盅)，點知原來都好大盅。叫肉骨茶有得免費添湯，加埋佢有好多舊肉，感覺好抵叫！
三層肉肉骨茶 ($33)
21 瀏覽
0 讚好
0 留言
店員姐姐親自幫我地調製o左碟調味料，話可以佐以個肉骨茶。就咁飲，先嚐到好濃郁腩肉o既味道，中藥味唔過火，反而味甘清甜；落埋d 蒜蓉辣椒，會再多一點嗆口o既感覺。三層肉層次分明，鬆軟唔韌，簡直可以單獨成為主菜。十分讚！
招牌芽菜雞飯($63) 係menu 第一頁o既主打菜！白切雞經過浸煮，味道鮮美而肉質依然嫩滑，仲已經起晒絕大部份骨，讓你可立即大快朵頤。雞以芽菜墊底，吸收o左部份雞汁，送飯唔錯。黃薑飯o既薑味適中，質感乾爽。唯獨呢個飯應該仲有馬拉泡菜，可能俾漏o左……
招牌芽菜雞飯 ($63)
2 瀏覽
0 讚好
0 留言
跟住就係試那個「辣死你嗎」，其實即係椰漿飯o既意思。因為頭先叫o左個雞，所以叫o左個牛，點o左仁噹牛肉配椰漿飯($55)。好精緻，有各式配菜圍到好靚。先食鹹魚花生口笠濕開下胃，仲有幾舊薯仔，又係覺得呢個幾抵食~
牛肉雖然看似有d 乾身，但食落實際上係好腍。個飯係椰香咖哩飯(好笑，我fd 最初以為係甜……)，比我想像中要辣一點，我就無點埋佢附送o個隻特製辣醬喇，不過鍾意食辣o既人應該會覺得好正。
張貼
