蘇媽.蘇媽馬來西亞茶餐室 (已結業)

去完尖沙咀行完商場之後搵食，見到蘇媽蘇媽就諗起個咖央多士，之前食過已經覺得好正，今次咁啱經過一定唔會放過。尖沙咀分店有啲特別，門口係酒吧，內裡先係餐廳，食飯已時候都可以聽到出面歌手表演，又有另一番風味。豬肚肉骨茶職員介紹先飲肉骨茶，肉骨茶以豬骨和香料慢燉而成，加入了豬肚和各種藥材，味道濃郁而鮮美，跟住食豬肚時點上蒜蓉辣椒鼓油，更加惹味。馬拉沙嗲串燒串燒肉質嫩滑，配上香料醃製，再經過炭火燒烤，點埋沙嗲汁風味一流。高佬麵配雞扒麵質彈牙爽口，搭配香煎的雞扒，雞扒勁大塊，醬汁濃而不咸，味道豐富而滿足。椰香咖央多士今次衝住佢而嚟，當然不負所望，多士酥脆，咖央醬滿滿喺中間，絕對值得一試。