驚安燒肉商店

營業中

休息中

最近突然心血來潮好想食日式燒肉，見呢間之前未試過而且距離地鐵站都唔算遠，於是就同朋友去試下～蝴蝶切和牛牛頸脊牛頸脊油脂分佈幾均勻，食落口有種入口即溶嘅感覺，肉味好出。上・九宮格呢個九宮格好豐富，入面有和牛赤身、一口和牛、壺漬牛肋肉、和牛五花、韓式護心肉、和牛三角腩、極黑和牛同埋厚切牛舌芯。我個人最中意韓式護心肉，因為佢醃得好入味而且鹹度啱啱好。紫菜月見飯超級推薦呢個飯，紫菜超多而且帶有少少鹹香味，撈埋生蛋黃同飯一齊食超正明太子月見飯我好中意食明太子，佢撈埋生蛋黃好香滑又帶有少少鹹味，送飯真係一流冷泡白桃烏龍茶、冷泡荔枝烏龍茶兩杯飲品都係無糖，但絕對泡得好夠濃。白桃同荔枝都分別同烏龍茶幾夾，大大杯飲落好清爽。