Boy n Burger (已結業)

今日經過灣仔，見到間裝修唔錯嘅漢堡包店，睇睇餐牌，價錢唔算好貴，都算抵食，我見係落order先即整，新鮮熱辣辣，開放式廚房，見到食材喺雪櫃攞出黎，對食物質素都幾嚴謹，見到佢地個好得意logo Bobby同埋餐廳環境都唔錯，打卡一流。Big Bobby，呢個漢堡有3塊厚嘅漢堡扒，仲有2片芝士，啱晒貪心嘅我，個醬汁幾fresh,加埋d菜，食落唔太油膩。Bacon Double Chesses burger - 漢堡扒好juice,口感唔錯，d肉唔會太多肥肉，都幾健康，加埋2塊芝士同卜卜脆嘅煙肉粒，成個漢堡好match。Seasoned Crispy Fries - 炸到脆卜卜熱辣辣，好好食。Tater Tots - 好少地方有炸薯粒，呢款係必點。Orange Juice，支裝新鮮橙汁，飲落都有幾多果肉，唔錯。