CENA

營業中

休息中

記得細細個嘅時候，媽媽成日會煮啲食物，帶我去隔離鄰舍度一齊食，一齊玩。就算依家長大咗都好，仍然懷念依種親切歡聚嘅氛圍。想搵個大啲，坐得舒服，食物又好味嘅地方聚下，不妨去呢間位於西貢嘅，佢地都想大家有個又平民價又正嘅聚腳點，可以一家大細同埋朋友一齊嚟歎下。店內嘅畫作裝飾都好隨性，座位有一排咕𠱸可以挨下，或者坐吧檯又得，如果想再開揚啲可以揀門口露天座位㗎。依家有Tacos Happy Hours俾大家盡情咁食，逢星期一至四嘅15:00-19:00，所有Tacos都係HKD10件咋，咁抵試多啲唔同味都唔怕傷荷包。依幾款分別係配芒果牛油果醬，配莎莎芝士酸奶油，配芒果莎莎牛油果醬，配莎莎酸奶油，醬汁以果味或酸奶油製作唔同嘅酸甜醬夾返唔同嘅肉，好細心呀！佢地好貼心係菜單提示前3款有辣椒警號，唔食得辣嘅朋友注意喇。混合墨西哥同美國特色嘅自家製焗得好香脆，加HKD20仲可以升級有埋燒烤羊肉或牛胸肉其中一款，啲肉幾多汁，質地又腍，大人細路都啱食。