振興肉丸

營業中

休息中

在大埔要賣肉丸絕對沒有人唔識這間老字號，主打不同肉丸，全因其質素同用料，雖然現在有不同方法都可以買到，但今日經過這裡當然要親身入去店舖望吓，裡面一排排雪櫃，內裡放滿了不同口味款式嘅肉丸，還有其他冷凍食品，夠晒多元化，雖然不是時常在家中煮食，但想食時在家中有貨又係另一種感覺！望了一陣都見到入來嘅人都必買牛丸，但裡面都有不同款式，問了店員推介了這款牛骨濃汁牛丸，加埋自己選了另外三款就回家煮來食。牛骨濃汁牛丸，彈牙煙韌之餘，咬開時個陣肉汁跟住在口中爆出來，堅正！而另一款就係薑汁皮蛋貢丸，外面超彈牙，咬開時先有濃郁嘅薑汁流出，再咬就係香軟嘅皮蛋粒填滿貢丸內！一次過滿足了喜歡薑汁皮蛋嘅要求！而喜歡濃味嘅家人，選了松露小籠包，呢個在爽彈魚肉上混入了松露，所以一入口已經可以感受到濃郁嘅松露香味，加埋超彈牙嘅小籠包皮，咬開中間就係充滿肉汁嘅餡料，又真係幾有心思！另一款係芥末沙律球，外表似平時食開個啲芝心丸，但係口感同質素原全兩回事，包住嘅魚肉彈牙煙韌，咬開時中間流出芥末沙律醬，感覺十分特別！喜歡刺激攻鼻嘅朋友可以一試！一個早餐自己在家中又可以品嘗到高質嘅肉丸，真係一個唔錯嘅周未開始！