同仁四季音樂主題餐廳 (已結業)

八米半是荃灣一個新地標，呢個商場多咗好多食肆。今日嚟到呢度搵咗間開咗大約半年左右的餐廳食午飯。餐廳名好特別「同人四季音樂主題餐廳」，頭四個字唔知道是什麼意思，但之後幾個字就應該同音樂有關。原來餐廳中間係有個小型表演台，放了一些樂器，晚上有真人現場唱歌彈琴給食客一邊食嘢一邊欣賞，而午餐則有大營光幕播放MV，食得輕鬆，感覺相當唔錯。餐廳晚上供應特色火鍋，食客一邊聽live Band唱歌，一邊打邊爐。下午則有午市套餐或煲仔飯供選擇。瑞士汁香草石鍋乾炒牛河+熱洛神花紅莓汁牛肉夠淋，吾靱，河粉用石鍋上，熱辣辣，增加鑊氣嘅感覺。熱洛神花紅莓汁清清地夠健康。濃湯雞絲煨刀削麵刀削麵比想像中軟身，雞肉不少但頗多雞皮，湯底比較醎而且唔似上海舖啲煨麵咁稠。地道去骨海南雞飯+熱檸檬蜜雞肉爽口，酸菜夠醒胃，油飯美味，唯獨是姜蓉偏醎。整體食物質素唔錯，喜歡餐廳環境和有MV伴食的氣氛。