Kudos (已結業)

同朋友一下齊黎，有BOOK位，唔駛等。酒店位置都算就腳，店內坐得亦算舒服。食物種類不多。飲品更少，茶啡類以外都要加錢。埋到位，一人一支號碼棒，係換生蠔的，每位4隻，2隻大2隻細，唔同口味。個人比較唔LIKE生蠔，但朋友稱好，便試了。先試味輕的細蠔，OK，冇海水臭; 到大的，也OK，朋友說貴在有金屬味，的確食得出。海鮮方面，龍蝦一般，蟹更是較低水準，另有炸龍蝦鉗，估唔到又幾好食，大大隻，不過好熱氣!刺身方面，OK的，帶子很不錯。冷盤有乳鴿，幾好食。湯方面，有一中一西仲有酥皮周打魚湯，中OK不過似有味精，西OK不過杰左D，周打冇試，因為朋友說太咸。熟食方面，食左幾款，得炸龍蝦鉗最有印象，其他有D炸物，仲有其他野...款唔多而且味道都唔太OK。好喇~ 煮個烏冬，估唔到勁差，D料都冇味既! 甜品還好，雪糕除左大路口味，竟然有LUM酒提子、焦糖同香蕉味，唔係度度有，而且幾好食。軟雪糕就好似酸奶雪葩。蛋糕差唔多試哂，比較好的係綠茶咖啡，咁香，其他就SO-SO。整體而言，間野唔算差，但就比不上傳聞般好。下次再黎必定係由於有優惠或者有人請了。