影片
更多
2013-11-27
4730 瀏覽
4個人，睇完戲兩點幾都未食晏，好肚餓咪嚟日牛食涮涮鍋放題囉。星期六要等位係預料之內，攞咗飛可以先周圍行吓。返到嚟再等多陣就到我哋，先落單後入座。日牛比其他好嘅係，其他嘅午市一碟肉類、涮涮鍋放題係限時60分鐘，而日牛就同肉類放題一樣有90分鐘，星期一至四更加係無限時！4個人都揀咗胡椒和牛清湯，個湯底都幾好味。而我哋選擇要一碟肉嘅餐，三個日牛$63（最普通嗰隻）同一個特選牛$78。今次廚房做嘢好冇效率，隔離枱食任食肉類都已經第二轉（同時間入座），我哋啲牛都未到，不過都可以忍，如果係肉類放題就唔能夠接受，話晒都已經過咗超過半個鐘。催咗兩次，第二次有個好細粒嘅男侍應，佢嘅答覆係：「慢慢等吓啦！係咁架喇！」我即刻叫佢身後個女侍應，呢個女侍應係上兩次都見過，態度一流的，今次唔例外，即刻話幫我跟跟就入咗廚房。我即時有種感覺係呢個男侍應絕對係呢間舖嘅污點，我唔係要你道出一個我已知嘅事實嚟叫我收嗲，我係想你幫我催廚房嘛！跟住再過咗接近十分鐘先嚟咗三碟牛，咁望落好似有少少分別，咪問身後個白色衫職員，佢話三碟牛係同一款，咁咪即係靚少少嘅特選牛未到啦，又等吓你。之後又要再催先嚟埋，見同之前三碟嘅其中兩碟好明顯
星期六要等位係預料之內，攞咗飛可以先周圍行吓。
返到嚟再等多陣就到我哋，先落單後入座。
日牛比其他好嘅係，其他嘅午市一碟肉類、涮涮鍋放題係限時60分鐘，而日牛就同肉類放題一樣有90分鐘，星期一至四更加係無限時！
4個人都揀咗胡椒和牛清湯，個湯底都幾好味。
而我哋選擇要一碟肉嘅餐，三個日牛$63（最普通嗰隻）同一個特選牛$78。
今次廚房做嘢好冇效率，隔離枱食任食肉類都已經第二轉（同時間入座），我哋啲牛都未到，不過都可以忍，如果係肉類放題就唔能夠接受，話晒都已經過咗超過半個鐘。
催咗兩次，第二次有個好細粒嘅男侍應，佢嘅答覆係：「慢慢等吓啦！係咁架喇！」
我即刻叫佢身後個女侍應，呢個女侍應係上兩次都見過，態度一流的，今次唔例外，即刻話幫我跟跟就入咗廚房。
我即時有種感覺係呢個男侍應絕對係呢間舖嘅污點，我唔係要你道出一個我已知嘅事實嚟叫我收嗲，我係想你幫我催廚房嘛！
跟住再過咗接近十分鐘先嚟咗三碟牛，咁望落好似有少少分別，咪問身後個白色衫職員，佢話三碟牛係同一款，咁咪即係靚少少嘅特選牛未到啦，又等吓你。之後又要再催先嚟埋，見同之前三碟嘅其中兩碟好明顯冇大分別，咪試一塊試吓，真係冇分別。咁佢之前話開頭嗰三碟一樣架嘛，咁即係呢碟應該係特選牛，咪搵咗個女職員講。呢個女職員就係我上次話聽唔到我哋叫佢嗰個，佢今次好好態度好有耐性聽我哋講，亦好客氣咁話幫我哋換返，同埋道歉，所以我諗上次佢係不在狀態啫~
之後特選牛終於嚟咗，望落去同食落去都好大分別，又滑又淋，絕對值得俾多15蚊！可惜我冇影相。
其他丸類菜類唔算好多，但都ok，而最精彩嘅仍然係乳酪，必食！
張貼
