天氣開始凍，老公突然想食羊腩煲，得兩公婆加仔仔去叫餸食飯又唔叫到幾多個餸，行過見到有羊腩煲打邊爐即入。好彩叫得快，羊腩煲岩上檯，隔離想叫已經售罄喇。
羊腩炆得入味又夠淋，配料都相當多，物有所值既「湯底」（≧∇≦）食到咁上下，可以揀加湯定加水，我地揀加湯，因為仲要打邊爐嘛。
手打牛筋丸，我好鍾意食牛筋丸，呢到食得出係手打，口感較實，肉味濃，比平時既牛筋丸要煮耐啲時間先熟。
水魷雖然唔係好索味，但由於羊腩煲味濃，所以用水魷打邊爐都好正，每條size都差不多長過手掌，好大條。
蟹捧岩晒兩歲既仔仔食，鮮味大size靚蟹捧。
食得羊腩煲最後緊係要加個麵啦，索盡精華嘛，原本想要公仔麵，但同仔仔一齊，都係健康啲好，所以叫烏冬，讚歧烏冬煙韌彈牙，質地結實，唔怕因煮耐左而變到好似溶左咁（湊仔乜都要理佢先，到我食時好彩口感仲好好～）
呢到有bb櫈，我就唔怕下次再黎喇（無bb櫈既地方，再好食都好難令有小朋友既家長去呢）
