諗住喺榕樹灣搭船返中環
咁係搭船之前都有一段時間
所以就揀咗其中一間海鮮酒家食埋野先走
呢間餐廳係海邊
所以可以一路睇住海景，一度吹住海風食飯
都可以帶寵物入去
*
我哋今次就叫咗個二人餐
揀咗啲小菜
椒鹽鮮魷
我覺得好好食
最主要係佢唔會太咸
魷魚都係新鮮嘅
調味料都同平時係其他離島食到嗰啲唔一樣
白灼墨魚
都係十分之新鮮
本身諗住分少少比我隻狗仔食
點知佢唔食
西檸雞
好莫名其妙地
我行咗邊一間餐廳都會想叫西檸雞
而呢一間餐廳都不負眾望
件雞肉質本身就麻麻地
但勝在夠脆、夠熱
甜酸度適中既汁都挽回一啲分數
最尾有一個相當之足料嘅炒飯
睇吓張相就知，啲料仲多過飯
*
職員都係有禮貌嘅
唔會因為你人數少或者帶住隻狗而黑面
下次嚟南丫島嘅時候
會再嚟依間餐廳食
