影片
更多
2015-05-06
2070 瀏覽
終於約齊人去踩車，講左成大半年，今日終於成事！真係好開心呀，好耐冇一班人玩得咁癲！雖然都只係大埔墟踩到大尾督，但都好滿足了 回程時個個都餓爆，兩個大埔友就話去韓燒，有間好食又坐到咁多人，咁我地當然冇問題啦！一到門口就已經好韓feel 喇，同尖咀果d店面有得揮，幾部電視播住韓星mv, 樓底又高，仲有牆畫，d 位仲有圍圈咁坐，完全係100%韓風！大埔竟然有呢種餐廳！太強勁…睇睇餐牌，原來食物唔貴，個個即刻狂叫…叫左海鮮什錦，仲有什錦牛牛肉，又豬又雞，仲有其他熱食。大虎蝦，勁大隻，開左邊分四件，肉質爽彈，意料之外新鮮wo帶子，又係大大粒，不過我地多人分左，食左都覺唔夠皮囉鮑魚，有蒜蓉係底，一開始我心急地連埋個殼放落去燒…跟住店員去埋來話原來係只燒鮑魚肉，將蒜蓉加落去一齊再燒，跟住可能佢都見我地手忙腳亂，仲幫我地燒埋其他野tim, 真係服務周到！good另外仲叫左傳說中既shake shake飯，個fd 話必試，有得食仲有得睇，搞到我好期待，跟住店員拎個飯埋來就剪碎d 飯同料，合埋個蓋就表演shake shake, 哈，我真係冇諗過係咁架，幾過癮既，賣個關子唔講點shake喇。 個飯又幾好食
回程時個個都餓爆，兩個大埔友就話去韓燒，有間好食又坐到咁多人，咁我地當然冇問題啦！
一到門口就已經好韓feel 喇，同尖咀果d店面有得揮，幾部電視播住韓星mv, 樓底又高，仲有牆畫，d 位仲有圍圈咁坐，完全係100%韓風！大埔竟然有呢種餐廳！太強勁…
睇睇餐牌，原來食物唔貴，個個即刻狂叫…
叫左海鮮什錦，仲有什錦牛牛肉，又豬又雞，仲有其他熱食。
大虎蝦，勁大隻，開左邊分四件，肉質爽彈，意料之外新鮮wo
帶子，又係大大粒，不過我地多人分左，食左都覺唔夠皮囉
鮑魚，有蒜蓉係底，一開始我心急地連埋個殼放落去燒…跟住店員去埋來話原來係只燒鮑魚肉，將蒜蓉加落去一齊再燒，跟住可能佢都見我地手忙腳亂，仲幫我地燒埋其他野tim, 真係服務周到！good
另外仲叫左傳說中既shake shake飯，個fd 話必試，有得食仲有得睇，搞到我好期待，跟住店員拎個飯埋來就剪碎d 飯同料，合埋個蓋就表演shake shake, 哈，我真係冇諗過係咁架，幾過癮既，賣個關子唔講點shake喇。 個飯又幾好食。有辣醬，餐肉，泡菜，芽菜等等配料，睇都知係韓"飯" ,唔錯。
睇下我地食到！成台都係…仲影唔晒tim…
中途唔知邊個話想試酒，行左去吧枱撩店員傾酒經，店員又好鬼nice, 我地最後開左支真露飲，正！夠易入口，又滑，唔覺意係會飲大左架。
有兩個fd仲叫左韓式刨冰食，我就真係飽到上心口喇，冇食到。不過d fd 話係勁重牛奶味，仲有味道配搭好特別，分別係黃豆粉同綠茶，其實我有d 後悔冇食到… 下次一定要再來。
張貼
