冚棒唥 (昌華商業大廈) (已結業)

星期天相約閏蜜去食好西,途經佐敦見個易拉架畫D公仔好得意，原來係新開嘅餐廳，仲要有折，我地立即決定行去睇下，行到西貢街發現有間裝飾别緻嘅café,舖內裝飾簡潔，啱哂下午茶聚好姊妹叫左杯烏卒卒冰火咖啡，外表睇冰火咖啡有兩層颜色，係凍奶加上較熱既咖啡！店員細心地介紹要大啖一口喝下去。會感受到有一凍一熱的感覺，正正就是冰火咖啡嘅特式，好姊妹喝了一口，大讚咖啡香濃，冷同熱帶來味覺享受我就叫左杯椰奶泰式奶茶，原來係將红茶雪成冰球形狀，而奶係比較熱，飲之前將熱奶倒入冰茶，等兩者混和後再慢慢飲用。香滑既椰奶配上泰式冰茶波波，椰奶香滑，泰式茶味濃，就萛冰波波溶掉了都唔沖淡左杯茶, 非常美味。至於食物方面揀咗63度慢煮温泉蛋卡邦尼意粉。意粉上灑上芝士同香口嘅煙肉，意粉食落彈牙，煮得恰到好處，唔會過淋，口感不錯，而温泉蛋蛋味味濃，真是不錯的選擇。