屋喔 (已結業)

行完街，去屋喔食左個晚餐。叫左個軍艦扒套餐食。餐廳好大好舒服，唔會好嘈，聚會一流。套餐有個凱撒沙律食。沙律好好味，煙肉碎煎得脆，溝埋食好fresh。餐湯係蘑菇忌廉湯。好飲，蘑菇味重，係我鍾意既口感同味道。食完前菜冇幾耐，我既雜扒終於黎了。好大份量！雞扒已經好大個，正！扒好香豆豉味，好似用豆豉油左咁，味道幾特別。扒煎到好好，質感唔錯，新鮮扒，冇雪櫃味。可能掛住食扒，薯條已經凍左。不過整體黎講唔錯，意外既係，扒側邊既小菜，蘿蔔仔好甜，而且煮得口感鬆軟，好味！第一次食曬側邊的配菜，因為味道唔錯！因為想食餐廳既小食，叫左個麻辣牛舌黎食。牛舌口感彈牙，而且凍凍地，個味道超好。麻辣醬唔會好辣，食左開胃，而且小食黎講，呢個份量係算多，牛舌係厚切，特別有口感。加埋青瓜一齊食，特別爽口。叫左個珍珠奶茶飲，吹下水食下野，好舒服。