緣味小聚 (金百利廣場) (已結業)

朋友聚會，我地去咗呢間「緣味小聚」食海鮮晚餐。我地叫咗$268+$20再加一嘅餐，宜家仲買二送一，勁抵食！一開始有個燉湯好濃味，仲有啲蟲草、肉同雞腳，好足料！海鮮方面，呢到有店員幫我地蒸同埋計時，服務好好。一開始就有啲鮑魚同帶子，鮮甜可口。仲有啲蜆同蝦同魚等等，好味！除咗海鮮仲有八寶飯，有好多料俾大家揀，又香又可口。我揀咗自己最中意嚂山芋頭同雞肉等等。除此之外仲有點心，有啲包同埋我最中意嘅紅棗糕薑汁糕。蒸完海鮮仲有肥牛，第一次咁食好特別。啲牛嘅油脂分布平均，唔乾唔鞋。