西門町台灣麵食 (已結業)

好耐冇見d朋友，約埋出黎食餐飯，選左果排人氣好勁既西門町。早小小行過book左位，準時到但門口圍住好多人，要等多十至廿分鐘先入得…五個人叫左個四人餐。六個小食，分別叫左滷水拼盤、涼伴茄子、釀魷魚筒、腐皮蚵仔卷、炸雞、怪味雞，另外加個雞絲拉皮。上菜都幾快，唔洗十分鐘就有得食。滷水拼盤有豬大腸、鹵蛋、鹵頭腐、雞腎等。鹵味都幾入味，其他就麻麻。涼伴茄子十分濃味，而且不會太稔，口感幾好又開胃。釀魷魚筒，讚，花枝包住蝦、青瓜等材料，再沾上日式青瓜芥末醬，好好食!腐皮蚵仔卷，蠔份量唔多，包著冬菇、芹菜、芫茜等，腐皮炸得脆口，不錯炸雞、怪味雞，普通，沒甚麼特別雞絲拉皮，粉皮唔夠滑，麻醬香且濃，但太過搶小食過後，分別試了擔擔麵同魯肉飯，擔擔麵湯底有麻醬，幾好，魯肉飯既飯比較濕同淋，唔得。飲品好像要了茉香花茶，清清地，不錯，朋友們要了珍珠奶茶。老闆服務好，有禮貌，不過地方細較為迫。