玉桃苑 (已結業)

上個禮拜自已department 搞聖誕聚餐包場食中菜每圍$2xxx，今年公司縮皮，咁多年之中最cheap係今年。頭盤係四喜鹵水併盤，鹵水鵝我冇食，只食了豬耳同豆腐，豬耳好爽，而豆腐就鹵得唔夠入味。熱葷係蚌片翠花姿同西蘭花奇妙醬蝦球，先講個西蘭花奇妙醬蝦球，酸酸甜甜好好味，蝦球size不算好大，但都夠彈牙；湯係三寶炖花膠，我估全席最貴係呢樣卦，雖然明知唔係靚花膠，但真係有唔少喎，而d冬菇好厚身，好有口感。海鮮唔係清蒸班，而係一魚兩味，魚肉炒球，而其他部份要o黎炸，反而我最鐘意炸左個d部份，雖然幾肥幾熱氣，但好香口。鮑魚釀玉環同金華四寶疏，兩樣味道都好似，可能太多獻，味道咸左D。貴妃雞全晚都唔掂的一味，沒有雞味，而肉質又“鞋”口。食完雞之後到粉麵飯上場，有生炒糯米飯同金菇炆伊麵，因為我太飽沒有食到，不過都聞到糯米飯D臘味香，聽番同事講糯米飯味道真係唔錯。雖然飯食唔落，最後甜品係生磨合桃露，就算點包都食得落。果然係生磨，可以好清晰見到有合桃渣，而且不是太糊狀又沒有一般有一層油係面。不過竟然有幾個同事唔欣賞，認為唔糊口喎，真係俾佢o地激死!