Oolaa (東薈城名店倉)

營業中

休息中

平時好少入東涌，聖誕來東涌探朋友，真心無頭緒唔知有乜好食。朋友就話帶我們來東涌最好食的餐廳食午餐，原來係Oolaa, 呢間西餐廳有幾間分店，有信心保證。裝潢夠華麗，夠曬聖誕氣氛，影相打卡都唔錯，呢度好多外國人來食，忽然之間覺得自己身處外國，唔洗去旅行都超有去外國食西餐的感覺。首先點了一份spaghetti carbonara,有賣相有質素，有配脆多士，點下spaghetti 汁，撈住來食最地道,spaghetti 整得又彈牙夠入味，口感剛剛好，夠正宗。第二道菜係chicken parmigiana, 朋友話之前食過好好味，今次再點，原來真係幾大份，夠曬滿足感，雞肉肉質煙韌彈牙，on top 有特色醬汁好惹味，配上火箭菜沙拉同薯條，顏色繽紛真係好開胃。第三道菜我都超鍾意食，就係牛排，有埋薯仔同炒蛋，牛排做到6成熟，成熟程度剛剛好，仲有少少鮮紅，很新鮮夠肉味，好正。呢間餐廳服務態度都唔錯，而且飲水仲會裝暖水給我們，很體貼，難怪多分店，值得一試。