酒泉日本料理 (已結業)

聖誕節食日本放題特別貴，兩個人起碼過$600。為左有放題既感覺又想滿足寶寶同小小萬倆隻小企鵝食三文魚刺身，故選擇咗食呢間又平又抵食的～酒泉。酒泉啲三文魚刺身很新鮮，很美味，必食。芒果蟹籽沙律又是值得推介，尤其是食完炸嘢之後，更覺得很清新感覺，不過唔想食咁多沙律醬的話，最好落單前同侍應講聲要分醬，食時要幾多落幾多醬。除此之外，鰻魚壽司都很好味，長度足以包住整舊壽司飯，很滿足，又是必食的。另外，仲叫左多款壽司、炸雞翼、雞軟骨、雞腎、三文魚骨、軟殼蟹手卷…叫埋清酒都係$400幾，呢啲節日二人價錢差不多啦。