Itamama (東港城) (已結業)

之前經過東港城， 經過Itamama 好多次，今次終於有機會入去試下。 聖誕節的中午時分都幾容易搵位， 大約兩點鐘到達， 睇了一輪午餐餐牌之後決定點香脆魚柳野菌滑蛋蒸飯$66， 黑松露菌王煙肉忌廉闊條麵$71， 意大利巴馬火腿火箭菜比薩$78， 熱朱古力（ 跟餐），熱即磨咖啡（ 跟餐）， 檸檬茉莉花茶$24，焦糖奶泡咖啡$28。❇️香脆魚柳野菌滑蛋蒸飯～ 魚柳炸得好脆唔乾， 滑蛋口感香骨。❇️黑松露菌王煙肉忌廉闊條麵～ 賣相ok，但食落真係麻麻， 闊條麵質感很漿口， 忌廉太傑身令到整碟闊條麵好似一團麵粉， 完全食唔曬，因為唔好食。❇️意大利巴馬火腿火箭菜比薩～ 比我想像中細份， 味道係可以嘅。❇️熱朱古力～ 沒有特別， 朱古力味不夠濃。❇️熱即磨咖啡～ 咖啡味普通。❇️檸檬茉莉花茶～ 味道還可以， 但唔知點解用了外賣包裝， 跟焦糖奶泡咖啡一樣， 我們明明是堂食的。❇️焦糖奶泡咖啡～ 四杯飲品當中最好飲這一杯， 起碼焦糖味幾香。整體而言唔係我想像中咁好， 因為平時經過看到裝修都唔錯， 可惜服務態度真係麻麻地， 最重要碗碟好似未洗乾淨， 很油的感覺，最後絕對需要改善服務質素。