影片
更多
2008-12-25
16 瀏覽
25-12-2008上次因為趕時間, 等唔到呢度開門, 今日又拉了朋友出0黎陪我試試. 雖然街口 banner 及店內的 newspaper cutting 全部話呢度日間開 12:00-2:30pm, 但其實佢係開 2:00pm 的, 仲要一開就 serve「下午茶餐」, 日本餐廳0黎講咁0既運作模式都幾少見... 未食 lunch, 結果一人一個「下午茶餐」, 再加幾款 a la carte 0野 share 食:揀了雞扒烏冬 + 餃子的 set ($38)... 雞扒係雪0野, 醃得幾入味, 食落少少韌, 味道甜甜0地, 不過實在太太太唔熱了, 而且就咁食實在幾乾0下, 一定要浸湯; 烏冬就係超市的雪櫃貨色, 口感離奇地似貴刁 (!?!?), 真詭異; 飲一啖清湯底, 先無味後帶點「酸叔」, 難飲; 而炸餃子就好好多, 雖然油到阿媽都唔認得, 但起碼熱辣辣又脆口, 餡料以菜為主, 味道 ok 啦.朋友的係三色魚生飯 + 麵豉湯 set ($55) --「三色」係三文魚, 甜蝦及油甘魚, 仲有一塊白雪雪的日式魚蛋, 下面就配壽司飯... 試了甜蝦, 都幾新鮮, 還 ok 吧; 又
上次因為趕時間, 等唔到呢度開門, 今日又拉了朋友出0黎陪我試試. 雖然街口 banner 及店內的 newspaper cutting 全部話呢度日間開 12:00-2:30pm, 但其實佢係開 2:00pm 的, 仲要一開就 serve「下午茶餐」, 日本餐廳0黎講咁0既運作模式都幾少見... 未食 lunch, 結果一人一個「下午茶餐」, 再加幾款 a la carte 0野 share 食:
揀了雞扒烏冬 + 餃子的 set ($38)... 雞扒係雪0野, 醃得幾入味, 食落少少韌, 味道甜甜0地, 不過實在太太太唔熱了, 而且就咁食實在幾乾0下, 一定要浸湯; 烏冬就係超市的雪櫃貨色, 口感離奇地似貴刁 (!?!?), 真詭異; 飲一啖清湯底, 先無味後帶點「酸叔」, 難飲; 而炸餃子就好好多, 雖然油到阿媽都唔認得, 但起碼熱辣辣又脆口, 餡料以菜為主, 味道 ok 啦.
朋友的係三色魚生飯 + 麵豉湯 set ($55) --「三色」係三文魚, 甜蝦及油甘魚, 仲有一塊白雪雪的日式魚蛋, 下面就配壽司飯... 試了甜蝦, 都幾新鮮, 還 ok 吧; 又試了一啖飯, 係就係珍珠米, 不過腍腍的, 而且醋味太大, 唔太0岩食; 再試一啖麵豉湯, 又係先淡口後帶點酸澀, 難頂.
Set 的食物咁難吃, 可幸 a la carte 的好食好好好好多!
- (鹽)燒牛舌: 一串有 3 片, 厚度 ok, 燒得油香十足, 食落爽口豐潤, 好食!
- 蔥吞拿魚腩(蓉)卷 (4 件): 賣相好精緻, toro 蓉唔係靚貨, 食落油香及魚味都一般, 不過成件放入口, 魚蓉 + 青瓜不論味道及口感 contrast 夠晒大, 加埋蔥花, 蘸少少豉油及 wasabi, 都 ok 啦.
- 八王子西京燒: 仲以為係銀鱈魚, 但原來係雞翼去骨, 中間釀入一條蔥, 塗上甜甜0地的醬汁再燒, 食落幾惹味, 不過比炸餃子更油膩. 廚房用晒 d 吸油紙?
環境裝修日本 feel 得很, 幾舒服; 招呼就帶點搞笑, 初期店員們好似0岩0岩(目訓)醒, 態度亦一般, serve 0野食仲會成碗魚生飯「車」埋來的, 但見我0地開始不斷影相, 禮貌就立即好起來, 又主動問我0地要唔要叫 d 0野飲, 唔通佢0地都睇 Openrice?
埋單每人 $118, 考慮到 a la carte 食物不錯, 加上整體感覺還 ok, 俾個 marginal 笑面啦. 有機會0黎 dinner 試真 d 吧.
張貼
