意樂餐廳 (翠林新城) (已結業)

Merry Christmas!! 昨日平安夜難得黨鐵通宵梗係玩通頂，但係年紀大都瞓唔多，結果10點鐘生理時鐘響起，出發食個靚早餐!平時都比較like d 中式野，琴棋書畫樣樣精，連早餐都鐘意食蘿白糕，糯米雞。 但難得christmas, 梗係整番個西式早餐!講左咁耐入正題，經過門口見到裝修有d 懷舊北歐風，係我既style，就衝左入去呢間 Itamomo (睇個名知係意大利野，但唔知momo 點解，求解？)可能10點幾太遲，排隊人唔多，入到去被安排角落位，隔離坐左個岩岩跑完步既大肥佬，仲要係咁樣件背心，當堂冇哂胃口，諗住算la， 叫個 light breakfast, 咦？ 一個蛋牛治都$29，自己整可以整到5份。 既然聖誕節豁出去，豪食個「吉列魚柳厚多士豐滿 breakfast set, 都成$39， 當然同老婆d high tea 價冇得比，但對我呢d 窮L 文青黎講，真係要當埋Bunch 去食咁濟。等左5 min 就有得食， 吉列魚炸到金黃色岩岩好，咬落冇成舊粉，尚算鬆脆，無腥味，配埋個沙律醬一絕。 最驚喜係個多士，多士者，最緊要夠厚，夠脆，夠牛油香，呢度全部中，仲有加埋香草!