裝修看得出歲月痕跡🕰️ 即使位於深水埗舊區，都少到如此簡樸的荳製品店舖🙉 所有荳製品都係後場自家製， 門口位置售賣豆腐磚豆卜等.....
堂食只提供3款食物，招牌豆腐花/ 煎釀豆腐/ 豆漿，見到唔少老街坊撐場。裝修簡陋🙈 場內沒有冷氣，老街坊大力推薦滑溜豆腐花， 雖然天氣炎熱但都入去試一試先。
🌀 招牌豆腐花
價錢唔算特別平 $13，但口感真係滑捋捋，豆香明顯。檯面放有黃糖可供客人自由加添，我覺得唔好落咁多，反而更加品嚐到豆香
🌀 煎釀豆腐
一份四塊， 採用硬豆腐並微微煎香，表面放上薄薄一層鯪魚肉， 媽媽表示很好吃! 非常建議加埋特製豆瓣醬， 微辣惹味!
🔺 食物唔算非常驚艷但好食，有舊香港情懷加持，都值得一試!
