影片
更多
2017-11-06
311 瀏覽
缸瓦指標：3分，碗碟羹都係用陶瓷👍🏼👍🏼早餐店要平又好食仲要係用陶瓷器皿，除非去咗外國，喺香港差不多係天方夜譚！今早八點去到太子，老遠望見有雲吞麵舖，行近D仲要見到廚房一排排嘅瓦碗瓦碟，心裏暗叫發達喇！😍😍店內只有一位阿叔正在包雲吞，可能係老闆。叫咗一碗雲吞粗麵，瓦碗瓦羹裝，都唔知幾耐冇見過，仲要只係港幣25大洋，真係感動到想喊😭試下啖湯，正！好香大地魚味。雲吞大小適中仲要係散尾雲吞皮，並唔係乒乓波咁大睇見就驚嘅嘢，咬開雲吞見到蝦、豬肉，真係好難搵到仲有豬肉嘅香港雲吞，市面上好多所謂正忠雲吞麵舖全部都係淨蝦雲吞，不如改叫蝦餃麵仲冇咁易混淆！D麵嘅顏色係淡淡的黃色，望落自然，唔似係色素，估計真係蛋麵，冇乜鹼水味，咬落口感似蝦子麵嗰種，下次會試下幼麵是否彈牙。以25元食到碗咁正忠嘅雲吞麵真係超值，最難得係D餐具仲係好珍貴嘅陶瓷器皿，而且都係完好無缺，冇撞崩撞裂，好難搵到了！間舖門口好窄，唔夠十個位，中午時間估計應該要等位。極力推薦，下次會試下晚餐時間去，試下水餃幼麵😋
早餐店要平又好食仲要係用陶瓷器皿，除非去咗外國，喺香港差不多係天方夜譚！
今早八點去到太子，老遠望見有雲吞麵舖，行近D仲要見到廚房一排排嘅瓦碗瓦碟，心裏暗叫發達喇！😍😍
店內只有一位阿叔正在包雲吞，可能係老闆。叫咗一碗雲吞粗麵，瓦碗瓦羹裝，都唔知幾耐冇見過，仲要只係港幣25大洋，真係感動到想喊😭
雲吞粗麵
$25
30 瀏覽
0 讚好
0 留言
試下啖湯，正！好香大地魚味。
雲吞大小適中仲要係散尾雲吞皮，並唔係乒乓波咁大睇見就驚嘅嘢，咬開雲吞見到蝦、豬肉，真係好難搵到仲有豬肉嘅香港雲吞，市面上好多所謂正忠雲吞麵舖全部都係淨蝦雲吞，不如改叫蝦餃麵仲冇咁易混淆！
D麵嘅顏色係淡淡的黃色，望落自然，唔似係色素，估計真係蛋麵，冇乜鹼水味，咬落口感似蝦子麵嗰種，下次會試下幼麵是否彈牙。
以25元食到碗咁正忠嘅雲吞麵真係超值，最難得係D餐具仲係好珍貴嘅陶瓷器皿，而且都係完好無缺，冇撞崩撞裂，好難搵到了！
間舖門口好窄，唔夠十個位，中午時間估計應該要等位。
極力推薦，下次會試下晚餐時間去，試下水餃幼麵😋
張貼
