影片
更多
2019-03-01
148 瀏覽
本來每個星期都會有1-2日會到呢間店食早餐，一直個感覺都係不過不失，喺啲食物偏鹹，啲飲用水有少少怪味，同埋隻杯有少少污跡。之前都有見過員工同客人會有拗撬，無諗過今次會發生喺自己身上。今日同朋友平常咁去食早餐，都係點番例牌通粉＋煎蛋多士。女員工A 送餐黎，咁就話隻太陽蛋穿左，啲蛋汁漏哂出黎，問我地要唔要。我地話想換過隻，咁佢就拎番去廚房。等左陣，女員工A 再送餐黎，係熟蛋多士。我朋友見到塊多士比較燶同焦黑，本來都唔想再麻煩員工更換，嘗試咬左一口但太硬咬唔到，咁唯有麻煩員工換。咁岩女員工A 經過，我地問佢話多士大燶咬唔到，可唔可以換過另一份多士。然後女員工A 就黑臉話：「我地呢到既多士不嬲都係咁！」 然後我地再解釋話個多士咬唔到，希望可以換另一件。佢又再話：「你地一開始唔叫少焊」 我幫襯左都過大半年，我無叫過「少焊」，而啲多士係正常咁食到。 然後佢又話「啲多士係會搽埋牛油咁去焊，所以會係咁」。對話之際，另一份多士煎蛋上枱，份多士係正常（唔太燶，唔太硬，入到口），我地就話「呢份多士我地無叫少焊，但就係我地接受到既多士」。女員工A 跟住好晦氣咁話：「咁我換啲白面包比你啦！」，我地話好。但佢轉頭
今日同朋友平常咁去食早餐，都係點番例牌通粉＋煎蛋多士。女員工A 送餐黎，咁就話隻太陽蛋穿左，啲蛋汁漏哂出黎，問我地要唔要。我地話想
換過隻，咁佢就拎番去廚房。等左陣，女員工A 再送餐黎，係熟蛋多士。我朋友見到塊多士比較燶同焦黑，本來都唔想再麻煩員工更換，嘗試咬左一口但太硬咬唔到，咁唯有麻煩員工換。咁岩女員工A 經過，我地問佢話多士大燶咬唔到，可唔可以換過另一份多士。
然後女員工A 就黑臉話：「我地呢到既多士不嬲都係咁！」 然後我地再解釋話個多士咬唔到，希望可以換另一件。佢又再話：「你地一開始唔叫少焊」 我幫襯左都過大半年，我無叫過「少焊」，而啲多士係正常咁食到。 然後佢又話「啲多士係會搽埋牛油咁去焊，所以會係咁」。對話之際，另一份多士煎蛋上枱，份多士係正常（唔太燶，唔太硬，入到口），我地就話「呢份多士我地無叫少焊，但就係我地接受到既多士」。女員工A 跟住好晦氣咁話：「咁我換啲白面包比你啦！」，我地話好。
但佢轉頭拎白面包過黎時，隻碟比較大力咁扔喺枱面，仲細細聲講左句「咁麻煩」，好無禮貌。我最後忍唔住話左句：「如果你咁唔想做，唔好喺度做啦」 女員工A 就即刻大聲鬧我地。我亦都回番佢話「其實只係想換番件入到口既多士真係咁難？」「你望下其他客人既多士，有邊一件好似頭先嗰件咁燶？」。鬧多幾句之後，女員工A 竟然大聲講左句：「我唔做你地生意啦！」
聽到呢句，我朋友都忍唔住起左身，叫我地去第二間食。餐廳員工竟然開口叫客人走。作為客人，黎用餐要受員工氣，仲要比員工當眾喝令趕走，好似趕乞丐咁，正常一個人都無理由仲留喺間咁既餐廰食，食落去都無意思。我地起身諗住走，個女員工A 仲繼續鬧我地。最後我地無食到任何野就走左。
喺成個過程，眼鏡男老闆全程只係喺度旁觀，睥住我地，中間細聲講左句「請咩人係我話事」同埋最後話「咁你地走啦」，放肆比員工鬧客人，同埋趕客人走。唔知道仲以為個女員工A 先係老闆。做老闆做到咁其實都幾無面子，俾個員工咁樣鬧事。其實一開始叫廚房換過件多士有幾難？去其他餐廰（如大X活），見到其他客人多士太燶，職員都會肯幫客人換過件多士（明白人之常情，要做多左野，可能佢地心裹面會鬧客人，但至少唔會當面鬧番個客轉頭）
附近其實都有唔少餐廳，價錢同質素其實差唔多，有部份會貴1-2蚊但比較好食，最重要係人地員工會識尊重客人，唔會好似呢間永發廚房咁無禮貌，老闆仲會支持員工大聲鬧客人，趕走客人。
最後總結，我係唔會再去呢間餐廳，但都祝願佢生意興隆，同埋女員工A 早日上位取代老闆位置，就可以名正言順咁趕哂啲客人走。
題外話/補充資料：
見早餐個餐牌，比上年一口氣加左2蚊價，都幾狼。星期六日會再貴2蚊，但啲餐係一樣，所以唔抵食。
另一個住附近既朋友話，原來女員工A 係長工職員，佢亦都唔係第一次趕客人，佢平時鐘意認叻，落錯單但個客人最後要左個餐會走去同廚房講「我說服到個客肯要啊」，平時做錯事亦都唔會認，會講好多借口（好似我今次件事咁），同埋佢會成日串其他員工，所以啲兼職員工做得唔耐，員工走得快又難請人，所以個老闆唔敢得罪佢，怕佢唔做。只能夠話，有咩老闆就有咩員工。
想試下比人趕既話，大家可以去呢間餐廳幫襯一次，應該都會幾難忘。
(以上食評乃用戶個人意見 , 並不代表OpenRice之觀點。)
張貼